KARNABAL TRAIL

Gaur ere animatu gara irtetzera. Batzuk elurretan entrenatzen duten bitartean beste batzuk lokatzetan entrenatzearekin konformatu behar. Asmoa 6 ordu egitea, baina lasai-lasai. Banekien Aitor eta Juanra ere irten behar zirela, baina jakinda nola dabiltzan, ez diegu aipatu geralekua. Hala ere 7etan puntu-puntuan Cuatrokañosen agertu dira eta Azitain aldera abiatu gara Iñakikin eta Juanjokin. Lasai joateko gure asmoak lehengo aldapan bukatu dira, Juanrak Ilordoraino gibelak botatzeko igoera egin digu. Aipatu diogu bastoiak ibiltzeko direla, "ni por esas", trotean, bestela gorputza alpertu egiten dela. Oraingoan Azkonabitzara, hemen Aitorrek erakustaldia, berriro gibela botatzen eta taupadak 220. Ea halako erakustaldien ondoren lasaitzen diren! alperrik, trotean Tartufora. Ondoren aldapa gora, Asentziora, berriro ere berotu ederra! Eskerrak Asentzion mokadutxoa hartzera gelditu garen! Tripa betea genuela digestioa lasai egiteko Intxortara poliki joango ginelakoan, ke ba, egurra! Aitor ixildu egin da, uy, uy, uy! besteok Ilordotik gindoazen ixilik. zorionez Juanra Intxortatik etxeruntza joan da eta Juanjok bide berbera hartu du (hau protestaka baina besteen ipurdien atzean, ez dugu ikusten asteburuetan baina gaurkoa ikusita dexente beltzean entrenatzen duela argi erakutsi digu). Bariante berri batetik, Erdella inguratuik, Marinazar aldera jo dugu, ikurriñari agurra egin eta Eitzagara. Aitor agurtu eta postrea: Egoarbitza. Janari guztia eta gel guztiak jan odoren, Iburrekako errekan zapatillak garbituta eta leher eginda, baina zoriontsu etxera. Grafikoan agertzen diren kilometroei beste hiru gehitu behar zaizkio, hartu dugun erritmoarekin orduerdi berandugo jarri dut Garmina martxan eta.