ALDAI GAZTEA, LABURREAN HANDI

Aldai familiaren ezpala! Oraingoan, hiru anaietatik gazteena, Iñaki Aldai, Ispasterren aurkitu genuen; bertako zazpi kilometroko lasterketa labur bezain bizkorrean parte hartzen. Lehenengoa izan zen bere mailan: 27 min 10 sg. Garaikurra eta lore sorta etxera. Noski, azken hori Ali emazteak eraman zuen esku artean etxera; merezita gainera, botillera bikaina izateagatik.

Atzetik Aldaitarren harrobia. Ander Aldaik 2,4 kilometroko lasterketa egin zuen, bikain! Alaba txikienak, Ione Aldaik, kilometro bateko ibilbidea; Izaro Bernedo, Irune, Iraia, Mikel, Unax, Haizea eta beste laguntxo batzuekin batera. Hauek ere primeran, irribarrea ahoan!

Denek kamiseta eta ogitartekoa etxera -Kalamuako kamiseta juniorrak datorren urterako prestatu beharko ditugula pentsatzen hasita nago!.



Egia esan, arratsalde polita igaro genuen. Seme-alabak dituzuenentzat apuntatu data datorren urterako: Santa Ana Egunaren inguruan (uztailak 26). Giro polita eta arratsalde pasa ederra! A, eta gero erromeria!

Biba zuek!