Eibar-Kalamua-Arnoate-Kalbario-Deba-Otarre-Madarixa-Elgoibar-Eibar

PERFILA

Distancia recorrida: 53,16 kilómetros
Altitud min: -4 metros, max: 767 metros
Desnivel acum. subiendo: 3.468 metros, bajando: 3.468 metros
Grado de dificultad: Moderado
Tiempo: 8 horas 21 minutos
Fecha: marzo 10, 2012
Finaliza en el punto de partida (circular): Sí
Coordenadas: 4800

IBILBIDEA

Gaur ere, goizeko seiretan , fin-fin, Kuatrokañosen geunden Natxo, Zigor, Aitor, Iñaki eta ni. Ibilbidearen inguruan blogean hasi bazen saltsa, ibilbide desberdinak agertuz, goizeko seietan dena hankaz gora bota dut eta beste ibilbide osagarria proposatu diet: Eibar-Deba-Eibar (kale egin dut eskiatzera eta saltsarako gogoa nuen). Zein ibilbide egin ibilian erabakiko genuela eta Matsaritik ekinari hasiera eman diogu. Ilunetan Usartsaraino eta handik Kalamua aldera egusenti zoragarria disfrutatzen. Bertan argazki batzuk atera eta Hiru Iturrira, jeitsiera labainkorra eta lokaztua. Urkaregirako jeitsiera ere, guztiz irristakorra eta lokatzez betea, Zigorri zapatilla basatzian geratu zaio eta kostatu zaigu ateratzea. Arnoatera erdi korrika erdi oinez, martxa ederrean. Zerbait aurrerago, Natxok, ikusita zein polita geratu zaion zapatilla lokatzez betea Zigorri, berdina egin behar. Han ibili gara zapatilla arrantzaten. Hasi dira gure tripak zaratak ataratzen eta azkartu gara Kalbarixora heltzeko lehenengo abituallamientoa egiteko, eguzkitan, epel-epeletan. Urdaila goxotu eta Debara, batzuentzat bide erdia, Aitor bertan gelditu da eta trena hartuta Eibarrera hamabietarako pintxo-pintxo prest egon behar zelako. Besteok bide berriak esploratzera eta beste aldetik Eibar aldera. Egia esan eta Iñaki praka motzekin etorri dela ikusirik ez dut itxitako edo bide zikinik aurkitu, lastima. Debatik gora, Lasturrera doan kanala hartu dugu eta kanal erdia egin ondoren Lasturko bidera atera gara Otarrerako bidea hartzeko. Otarre eta Gaintxipiko arteko lepoan 2. abituallamiento eta banaketa, Natxo eta Zigor Mendaro aldera trena hartzeko (Zigorrek semeari titia ematera eta Natxo nahiko eginda. Kontuan izanda bigarren irteera duela, jarraitzen badu progresio honekin, uztailean Tarifa-Irun lasterketan izena eman beharko du), Iñaki eta ni Otarre aldera. Otarretik Madarixara eta Azkaratera. Irukurutzetara igotzeko asmorik ez genuenez karretera eta zemento bidetik Elgoibar aldera (egia esan behar badut, gaurko irteerarako zoru mixtoa nuen planifikatuta: erdi mendia, erdi asfaltoa, oinak gogortzeko. Jakintsuak planifikatzen duzue aspektu hau?). Elgoibarren dilema: trenari itxaron (25 minutu), edo bidegorritik Eibarrera jarraitu. Zalantzarik egon dela uste duzue? Bat ere ez. Naiz eta alarma gorriak piztu (bikien eta tibialen abisuak) beti aurrera. Azkenean 2.30etan Eibarren, garaiz bronkak jasotzeko eta bazkariak prestatzeko. Orakuloari pare bat galdera: ongi gaude entrenatzen? Irteeretan asfalto gehiago sartu beharko genuke? Zuen "argia"ren zai gelditzen naiz.
Txintxuak izan.